Weblog

Sunday, 13 January 2008

  • 糖糖

     

    我應承過你, 我會好叻仔

    聽日開始又要返工喇, 係一個新挑戰

    我會專心工作, 努力實踐我對你既承諾!

     

    糖糖, 我愛你

  • 糖糖...

     

    我好掛住你呀....

     

    頭先我食雞翼諗起你....

    無左你同我一齊食, 我好唔習慣...

     

    你依家做緊咩呀?

     

    我好想夢見你...

    好想摸你...

     

    糖糖...我愛你

     

Thursday, 10 January 2008

  • ¿}¿}, ¦A¨£...

    糖糖...

     2008年1月10日...糖糖離開左我地

     1995年, 好開心你可以來到我們鄧家...成為我地既好朋友

     今日你離開, 我真係好唔捨得你...

     不經不覺, 我地相處左12年喇...

     一直以黎, 你睇住我成長...讀中學, 會考, 入大學,以至出來工作~

     我同你既感情, 真係唔止寵物咁簡單...我就當你係我親生女一樣!

     同你玩, 同你一齊訓, 同你沖涼, 煮野俾你食, 同你影畢業相…

     咁多年以黎我地有好多開心既回憶….我呢世都唔會忘記

     其實早幾日我都同你講晒我心底入面既說話

     我想同你講對唔住, 因為我無盡好主人責任帶你散步, 帶你玩...

     上到天堂, 你盡情咁同埋其他狗同伴玩開心d 呀...知嘛!

     不過我諗你身前應該好開心...因為你日日都可以有奶茶飲

     仲有好好味既雞脾, 雞翼, 生果....你已經俾好多狗都幸福

     今日你可以走得咁舒服, 相信一定係你前世積落既福…

     如果唔係當年老豆執你返黎, 你可能要做流浪狗喇~~

     能夠同你一齊生活, 亦係我既福氣...

     我以後都唔會再養狗架喇, 因為我此生此世都只愛你~

     記得我同你講過既說話嘛? 如果你鍾意, 下世投胎做我仔女啦!

     我覺得你好叻…你真係好叻…. 多謝你!

     我會永遠愛你, 掛住你…

     

    良仔

Friday, 21 December 2007

  • 2007¦~¦^ÅU

    今年的回顧...

    時間也過得太快...轉眼間又一年

    略為分類再說吧:

    工作

    今年最大的成就是升了職, 在這公司還做不到兩年....對這公司來說是很短的時間, 所以我也滿意得到賞識和提拔.跟同事關係也好多了, 來年manager 放產假, 有更大的挑戰, 但也代表有更多機會給自己, 好好把握! 過埋年, 要好好準備轉工, 轉換一個新環境, 學多一點, 見識多點, 這是我2008年的最大目標!

    金錢

    今年支出多了... 去左三次澳門, 做左激光, 買野都貴左.....從明年開始好好控制自己洗錢呢方面. 去玩去食既錢我唔介意洗, 買衫"或者"可以減少一點吧!應洗則洗~2008年努力儲多d 錢啦!

    愛情

    今年, 都不太順利....無話可說~ 平常心一點吧!要來的總會來...嗎? 我也不知道, 總之不要再想著從前的就好了.. 

    家人

    今年很穩定, 這是很開心的一件事!! 來年四家姐也得結婚了, 看來又要再適應少一個人同住lu~最擔心還是糖糖...她真的老了...只希望糖糖可以舒舒服服的養老....我會一路陪住妳, 因為我真是很愛妳的^^

     

    決定由2008年開始唔寫xanga, 因為都無咩人reply...分享不分享也無所謂...反正現在興facebook嘛!! 可能唔disclose 咁多野, 同朋友gathering時可以有更多話題呢~

    由2005年1月1號開始寫..整整3年...期間發生了不少事吧! 有喜有悲, 對自己來說是很好的回憶^^

    祝聖誕快樂, 新年進步!!!

    多謝大家一直支持

     

    Calvin

     

Thursday, 20 December 2007